ጾታዊ ጎነጻዊ ተግባር እንታይ ማለት እዩ፧

ጾታዊ ጎነጻዊ ተግባር ዘይተደልየ ጾታዊ ፍጻመ ወይ ንጥፈት እዩ። ጾታዊ ፍጻመ ወይ ንጥፈት፡ ጾታዊ ጎነጻዊ ተግባር ዝኸውን በዚ ዝስዕብ ምኽንያት’ዩ፦

• ብስምምዕ ምስ ዘይከውን፦ ብውሕዱ ሓደ ካብ’ቶም መጻምዲ ኣብ’ቲ ንጥፈት ክሳተፍ ኣይተሰማምዐን ማለት እዩ።
• ምስግዳድ ኣለዎ፦ ሓደ ካብ’ቶም መጻምዲ ይግደድ፡
• ስለዚ፡ እቶም መጻምዲ ማዕረ ኣይኰኑን። ከም ኣብነት፦ ሓደ ካብ’ቶም መጻምዲ ልዕሊ’ቲ ካልእ ዝለዓለ ስልጣን ኣለዎ፡ ንኣብነት፡ ሓደ ሓኪምን ሓደ ሕሙምን፡ ወይ ሓደ መምህርን ሓደ ተማሃራይን፡ ሓደ ካብ’ቶም መጻምዲ ካብ 18 ዓመት ንታሕቲ እዩ፡ ወይ እቲ ሓደ ስንክልና ዘለዎን ኣብ ሞንጎኦም ዘሎ ናይ ዕድመ ፍልልይ ካብ 5 ዓመት ንላዕሊ ዝዀነን።

ገለ ዓይነታት ጾታዊ ጎነጻዊ ተግባር፡ እዞም ዝስዕቡ እዮም፡

• ጾታዊ መጥቃዕቲ’
• ጽዩፍ መጥቃዕቲን ጾታዊ መጥቃዕቲን፡
• ግህሰት ህጻን።

ጾታዊ ጎነጻዊ ተግባር ዝፍጽም ሰብ፡ ዝበዝሕ ግዜ ነቲ ግዳይ ዝፈልጥ፡ ወይ ከም ኣባል ስድራቤቱ፡ መጻምዱ ወይ ዓርኩ ዝዀነ እሙን ሰብ እዩ። ዘይፍለጥ ጋሻ ሰብ ክኸውን እውን ይኽእል እዩ።

ኣብ ኔዘርላንድስ፡ ጾታዊ ጎነጻዊ ተግባር ገበናዊ በደል እዩ። እንተዀነ፡ ዘየቕጽዑን ተቐባልነት ዘይብሎምን ዘይድለዩ ጾታዊ ባህርያት ክንረክብ ንኽእል ኢና። ገሃሲ ባህርያት ጾታዊ ዓመጽ፡ ፍጹም ናይ’ቲ ግዳይ ጉድለት ከምዘይኰነ ክንርዳእ ኣገዳሲ እዩ። ነቲ መስመር ዝሰገረ ሰብ፡ ኣብ ጉድለት ኣሎ። ናይ’ቲ ግዳይ ባህርያት፡ ብኸመይ ከም ዝኽደን፡ ብኸመይ ከም ዝዛረብ ወይ ዝገብር፡ ግዳይ ገሃሲ ባህርያት ጾታዊ ዓመጽ ንምዃን ፍጹ ምኽንያታዊ ኣይኰነን።