ምምካን

ምምካን ንሰብኣይ

ድሕሪ ምምካን እውን እቲ ሰብኣይ ናይ ዘርኢ ፈሳሲ ክፍኑ ይኽእል እዩ። ዋህዮታት ፈሳሲ ዘርኢ ወዲ-ተባዕታይ ዘይብሉ ናይ ዘርኢ ፈሳሲ የመንጩ። ከም ወትሩ ጾታዊ-ርክብ ክገብር ይኽእል እዩ።

እቲ ሓኪም ነቶም መትረባት ናይ ፈሳዊ ዘርኢ ወዲ-ተባዕታይ እዩ ዝዓጽዎም።

ዋህዮታት ፈሳሲ ዘርኢ ወዲ-ተባዕታይ ናብቲ ዋህዮታት ዘርኢ ዝሓዘ ፈሳሲ ዝምንጭወሉ ጽኪን ዕልቋቛዊ ምዕጎን ብመትረባት ፈሳሲ ዘርኢ ወዲ-ተባዕታይ ኣቢሎም ክኸዱ ኣይክእሉን።

ድሕሪ 3 ኣዋርሕ ናይ ዘርኢ ፈሳሲ ምርመራ ግበር። ናይ ዘርኢ ፈሳሲኻ ዝዀነ ዋህዮታት ፈሳሲ ዘርኢ ወዲ-ተባዕታይ እንድሕር ዘይብሉ፡ ካልእ ሜላታት መከላኸሊ ጥንሲ ምጥቃም ከተቋርጽ ትኽእል ኢኻ።

ምምካን ንሰበይቲ

ምምካን ኣብ ዑደት ወርሓዊ ጽግያት፡ ጽፍዮ-እንቋቑሖ ወይ ከኣ ኣብ ግዜ ወርሓዊ ጽግያት ዝፈጥሮ ጽልዋ የለን።

እቲ ሓኪም ንሻምብቆታት ማህጸን እዩ ዝዓጹ።

ዋህዮታት ፈሳሲ ዘርኢ ወዲ-ተባዕታይ ኣብ ዋህዮ እንቋቑሖ ክበጽሑ ኣይክእሉን።

ምምካን: እቲ ሕክምናዊ መጥባሕቲ

ንደቂ-ተባዕትዮ፡ እቲ ሕክምናዊ መጥባሕቲ ኣብ ዝተወሰነ ክፋል ኣካላት ብዝሰርሕ መደንዘዝ እዩ ዝካየድ። ንደቂ-ኣንስትዮ፡ እቲ ሕክምናዊ መጥባሕቲ ኵሉ ግዜ መጥባሕቲ ጠጠቒምካ ብመደንዘዝ እዩ ዝካየድ።

ምምካን ኣብ ናይ ጾታዊ-ርክብ ድሌታትካ ይዅን ጾታዊ ህይወትካ ኵሉ ግዜ ጽልዋ ኣየስዕብን እዩ። ደቂ-ተባዕትዮን ደቂ-ኣንስትዮን ሕጂ እውን ኣብ ርውየተ ጾታዊ-ርክብ ክበጽሑ ይኽእሉ እዮም።

ምምካን ቀዋሚ ሜላ መከላኸሊ ጥንሲ እዩ። ድሕሪ ምምካን ናብ ጽግያ ምምላስ ከቢድን ኵሉ ግዜ ክዕወት ዘይክእልን እዩ።

ምምካን በቲ ስሩዕ ጥቕሉል እማመ መድሕን ጥዕና (basisverzekering) ኣይሽፈንን፡ ኣብ ገለ ኣጋጣሚታት ተወሳኺ ናይ ጥዕና መድሕን እነተሃልዩኩም ክሽፈነልኩም ተኽእሎ ኣሎ። ክንደይ ዝኣክል ከም ዝሽፈነልኩም ንምፍላጥ ኣብቲ መድሕን ጥዕና ዝኣተወልኩም ኬድኩም ኣረጋግጹ።