ምስ ብዓል-ሞያ ጥዕና ምዝራብ

ብዛዕባ ናይ ጾታዊ ህይወትኩምን ወሲባዊ ርክብኩምን ዝምልከት ሕቶታት እንተሃልዮምኩም፡ ንእተፈላለዩ ሰብ-ሞያ ጥዕና ከተዘራርቡ ትኽእሉ ኢኹም። ኩሉ ግዜ መጀመርያ ናብ ብዓል-ሞያ ሓፈሻዊ ሕክምና ኢኹም ክትከዱ ዘለኩም። ኣድላዪ እንተኾይኑ፡ እቲ ብዓል-ሞያ ጥዕና ናብ ስፔሻሊትስት ሓኪም ክሰደኪ ይኽእል እዩ፡ ንኣብነት ናብ ናይ ማህጸን ሓኪም፡ ናብ መሕረሲት፡ (ናይ ጾታዊ-ርክብ) ፈዋሲ ወይ ከኣ ናብ ብዓል-ሞያ ስነ-ኣእምሮ። 

እንተድኣ ኣብ ቅዛነት ኣለኹም፡ ምስ ኤች.ኣይ.ቪ ትነብሩ ኣለኹም ወይ ከኣ ናይ ወሲባዊ ርክብ ጸገማት ኣለኩም ኰይኑ ብዓል-ሞያ ስነ-ኣእምሮ/ክኢላ ፍወሳ ስነ-ኣእምሮ ክሕግዘኩም ይኽእል እዩ።

ምስ ብዓል-ሞያ ጥዕና ከመይ ትዘራረቡ

ምስ ናይ ብል_ምዕይእ ጥዕና ክትዘራረቡ እንተደሊኹም፡ እዞም ምኽታት ክጠቕምኹም ይኽእሉ እዮም:

• ብዛዕባ እቶም ክትዛተይሎም ወይ ከኣ ክትሓቱሎም እትደልዪ ዛዕባታት ሕሰቡ።
• ካብቲ ብዓል-ሞያ ጥዕና እንታይ ከምእትደልዩ ሕሰቡ። ንኣብነት: ማዕዳ ዲኹም ትደልዩ፡ ናይ መርመራ ብጾታዊ-ርክብ ዝመሓላለፉ ረኽሲታት ዲኹም ትደልዩ ዋላስ ናብ ስፐሻሊስ ሓኪም ኢኹም ክትለኣኹ ትደልዩ?
• ክትዛረብሉ ዝኸብደኩም ኣርእስቲ እንተኾይኑ ኣነጽሩ።
• ጼገማትኩም ወይ ሕቶታትኩም ብዝተኻእለ መጠን ንጹራት ክኾኑ ኣለዎም። ንኣብነት፡ ኣነ መትሎይ ከቕንዕ ኣይክእልን እየ።
• ብዛዕባ እትጥቀምኡሎም ቃላት ሕሰቡ። ኣብቲ መርበብ ሓበሬታ ዘሎ ማህደር ቃላት ክሕግዘኩም ይኽእል እዩ።
• ንእትኣምንዎ ሰብ ብምዝራብ እውን ደገፍ ክትረኽቡ ትኽእሉ ኢኹም።

ብዛዕባ ሚስጢራዊ ጉዳያትኩም ምስ ብዓል-ሞያ ጥዕና ምዝርራብ ከቢድ እዩ፡ ይኹን እምበር እዚ ኣካል ስራሑ እዩ።

ብሕታዊነት

ምስ ብዓል-ሞያ ጥዕና ክትዘራረቡ እንከለኹም ምስጢርነትኩም ዝተሓለወ እዩ። ሰብ-ሞያ ንስኹም ዝሃብኩሞም ሓበሬታ ንኻልእ ኣሕሊፎም ክህቡ ኣይክእሉን።